Chakravyuh mein ghusne se pehle,
kaun tha mein aur kaisa tha,
yeh mujhe yaad hi na rahega.
Chakravyuh mein ghusne ke baad,
mere aur chakravyuh ke beech,
sirf ek jaanleva nikat’ta thi,
iska mujhe pata hi na chalega.
Chakravyuh se nikalne ke baad,
main mukt ho jaoon bhale hi,
phir bhi chakravyuh ki rachna mein
farq hi na padega.
Marun ya maarun,
maara jaoon ya jaan se maardun.
iska faisla kabhi na ho paayega.
Soya hua aadmi jab
neend se uthkar chalna shuru karta hai,
tab sapnon ka sansar use,
dobara dikh hi na paayega.
Us roshni mein jo nirnay ki roshni hai
sab kuchh s’maan hoga kya?
Ek palde mein napunsakta,
ek palde mein paurush,
aur theek taraazu ke kaante par
ardh satya.
2 comments:
Kyaa hain ki kyaa ki....Emotional hoke hindi mein likhliya....woh theraa stronghold nahin hain miyaan....Nay bole tho sunthe nay??
huzoor yeh hamari likhat nahi hai....
ardh satya ek hindi kavita hai written by ..i forgot :P vijay tendulkar or someone.... wiki it...its an 82 movie
aur rahi stronghold ki baat....liyaaz karne par hi toh ache gayak bante hain naa...ussi tarah koshish karte rahenge tab jaake ek din zaroor achi kavita likhenge...
kyun ?
Post a Comment